October 2nd, 2018

آپ میں سے ہر شخص ٹوئٹر کے محاذ پر پاکستان کا سپاہی بن سکتا ہے، اگر ہماری ان باتوں پر غور سے توجہ دے اور عمل کرے۔

Make your accounts on Twitter also.

آپ میں سے ہر شخص ٹوئٹر کے محاذ پر پاکستان کا سپاہی بن سکتا ہے، اگر ہماری ان باتوں پر غور سے توجہ دے اور عمل کرے۔
ٹوئٹر پر ٹرینڈ اس وقت بنتا ہے جب ایک ہی وقت میں ہزاروں لوگ، ایک ہیش ٹیگ (#) کے ساتھ ٹویٹ کریں۔ اس لیے ہم وقت مقررکرتے ہیں ایک ساتھ ٹویٹ کرنے کا۔

جب مقررہ وقت پر آپ ہیش ٹیگ (#) کے ساتھ ٹویٹ شروع کریں، تو کبھی خالی ہیش ٹیگ (#) ٹویٹ نہ کریں۔ ٹوئٹر اس کو کچرا (Spam) سمجھ کر ضائع کردیتا ہے۔ ہمیشہ ہیش ٹیگ (#) کے ساتھ کچھ نہ کچھ ضرور لکھیں۔ کسی اور کی ٹویٹ کاپی پیسٹ بھی نہ کریں، وہ بھی ضائع ہوجاتی ہے۔

جب ایک ہی وقت میں ہزاروں لوگ ایک ہیش ٹیگ (#) کے ساتھ ٹویٹ شروع کرتے ہیں تو تقریباً اگر دس منٹ کے اندر تین ہزار سے زائد ٹویٹس ایک ہی ہیش ٹیگ (#) کے ساتھ ہوجائیں، تو وہ ٹرینڈ پینل پر دکھائی دینے لگتا ہے۔
جو ٹرینڈ دکھائی دینے لگے، وہ زیادہ نوٹس میں آتا ہے۔

یاد رکھیے، کہ دنیا کی تمام بڑی حکومتوں نے صرف ٹویٹس کرنے کیلئے پوری پوری فوجیں رکھی ہوئی ہیں، اربوں کروڑوں کے بجٹ ہیں۔ پاکستان میں ساری سیاسی جماعتیں اپنی ٹویٹر ٹیم کے ساتھ ٹرینڈ چلاتی ہیں۔
ان شاء اللہ، ہم یہ کام پاکستان سے پیار کرنے والے رضا کاروں کی مدد سے بغیر کسی خرچ کے کریں گے۔

آپ کے علم میں یہ بات ہونی چاہیے کہ آج کل بڑی بڑی جنگیں، اور حکومتوں کے تختے بھی صرف ٹوئٹر پر ٹرینڈ چلا کر الٹے جاتے ہیں۔ سوشل میڈیا کی اس جنگ کو ہلکا نہ سمجھیں۔ جب دشمن اس کو ایٹمی ہتھیار کی مانند استعمال کررہا ہے، تو پھر ہمارے مجاہدوں کو بھی اس محاذ پر مستعد ہونا ہوگا۔

آج ’’یوم فتح القدس ۲‘‘ کی ہزاروں ٹویٹس ہوئیں، مگر وہ ٹرینڈ پر اس لیے نہیں آیا کہ بہت بڑی تعداد میں ٹویٹس کو spam سمجھ کر ٹویٹر نے نظر انداز کردیا، کیونکہ وہی غلطیاں کی گئیں تھیں کہ جن کا ہم نے اوپر ذکر کیا ہے۔خالی ہیش ٹیگ (#) کو ٹویٹ کرنا، بغیر کچھ لکھے، اور صرف کاپی پیسٹ کرنا، ٹرینڈ نہیں بناتا۔

ان شاء اللہ، ہم سب پاکستان کی رضاکار سائبر فوج کا حصہ ہیں۔ پاکستان کی نظریاتی، روحانی اور جغرافیائی سرحدوں کے محافظ، تبلیغاتی جنگ کے مجاہد، دشمن کے پراپیگنڈے اور جھوٹ کا منہ توڑ جواب دینے والے اور پاک فوج اور آئی ایس آئی کی پشت محفوظ کرنے والی فوج۔

ہماری باتوں پر غور سے توجہ دیں۔ ان ٹویٹس کو محفوظ کرکے رکھ لیں اور بار بار پڑھیں۔ یہ غلطیاں دہرائی نہیں جانی چاہئیں۔ ان شاء اللہ، ہم پاکستان کے ہر دشمن پر مل کر حملہ کریں گے، چاہے وہ معاشی دہشت گرد ہوں، نظریاتی تخریب کار ہوں یا زمین پر موجود خوارج اور دہشت گرد۔

بھارت اور کشمیر میں موجود مسلمان بھی ہمارے ساتھ ٹرینڈ میں شامل ہوسکتے ہیں، مگر ان کیلئے مشورہ یہ ہے کہ اپنی اصل آئی ڈی کے بجائے قلمی آئی ڈیز بنائیں، اور پراکسی سرور کا استعمال کرتے ہوئے ہمارے ٹویٹر پیج پر آئیں۔ بلاوجہ اپنے آپ کو مشکل میں نہ ڈالیں، اور سمجھداری سے کام کریں۔

https://www.facebook.com/syedzaidzamanhamid/posts/1852701388117997?__xts__%5B0%5D=68.ARDCOQpa4Z1y0rZNmc6gZ3hZX9aN6REwkqaYo_u0YUr1CJ9WCFUw-YawGCaUEh9g7Xu4-dj-jdUzPjUvtvlJPSY5cyva7e9Y2j61joy5LYv4ana8ezdH_pJKZbL0T8DIWb1m3DE-LvRInodJtX3-58fRyaR3iJIjIDThkg7tvebAz_t-KCl0pQ&__tn__=-R